أروي لكم قصة حزين= ما ذاق في الدنيا فرح
دايم وهو يشكي الأنين= كل شي بقلبه منجرح
يضحك بضحكة الحزين= يبسم ببسمة من ترح
وان هو جاس وحده تبين= دمعة عيونه تنفضح
يا ليت قلبك لو يلين= واسمع كلامي وانتصح
ناظَرْ بلهفة يستبين= ومضة سعادة تتضح
أسأل عيونك يا حزين= ألقى جوابٍ متضح
سارع بكلمة تستكين= منها الدموع وتنطرح
اللي بنيته من سنين= في فرحتي لا ما سمح
أبغى السعادة لي تبين= أبغى الكآبة تنمسح
ما عارفٍ غير الأنين= في هالصدر حزن ربح
أبحث عن السعد الدفين= وأكسب ولو لحظة فرح
حسبتها ملكٍ ثمين= في زود مالي والفرح
حسبتها مغنى يزين= سود الليالي للصبح
حسبتها مال وبنين= حسبتها حب المدح
قاطعته بقول يقين= وأرسلت له كلمة نصح
هونك على نفسك ولين= داوي الفؤاد المنجرح
وامنع دموعك لا تبين= خذ من كلامي تنتصح
هذي السعادة سر ثمين= اللي عرفها هو نجح
عديتها عقد ثمين= من يلبسه قلبه صلح
دور على عقدك تزين= من كل أحزانك تصح
في ذكر ربٍ لك يعين= باب السعادة ينفتح
حتى ببر الوالدين= تلقى السعادة لك تلح
عديتها طيبٍ ودين= في كل سجدة تتضح
خذ من حكايا الصالحين= خذها وقلبك ينشرح
هذا علاجك يالحزين= تلقى الكآبة تنمسح

المشاركة الأصلية كتبت بواسطة المجــUnknownــــهول هذي السعادة سر ثمين= اللي عرفها هو نجح عديتها عقد ثمين= من يلبسه قلبه صلح دور على عقدك تزين= من كل أحزانك تصح في ذكر ربٍ لك يعين= باب السعادة ينفتح حتى ببر الوالدين= تلقى السعادة لك تلح عديتها طيبٍ ودين= في كل سجدة تتضح خذ من حكايا الصالحين= خذها وقلبك ينشرح هذا علاجك يالحزين= تلقى الكآبة تنمسح