حبـــيبي طال مــوال يجيب الهم والتنكيد =
عســى الله ما يخلي لي خليل كان خليتك=
يا بو عـذر يشابه ضحكة الاطفال يوم العيد =
أنا ابكيتك حشا واللي فتني فيك ماابكيتك=
حــرام بعينك الدمعة حرام بصدرك التنهيد =
حرام الـــبرد يمضغ راحتــينك ما ترضيتك=
تعال وكل جرح فدوتك يا أبرد من التضميد =
أشـــوفك من زمـان وقدر الــــمولى وحبيتك=
مـــن أول مره شفتك تمنيتك وصرت السيد =
وتمنيت أني أصــلاً يوم شفتــك ما تمنيتك=
تخيل كيف سكنتك وخلــيت القريب بعيد =
وروّح كـــــل عــاشق يحلم بيت مثل بيتك=
فداه من البيـوت اللي يمل ويعشق التجديد =
ياعمري شف وهوقلبي متى أني فيه وصيتك=
أسج وتنقلب ضوضاء الشوارع في عيوني بيد =
واجيــك ويرتعش في خافقي عصفور لاجيتك=
دخيل الطلة اللي كل ماجت فوق ذاك الجيد =
دريت أنك طمــــوحي يا طموحً ما تعديتك=
حشا ما مرني يوم صبوح إلا انت بالتحديد =
تراك الصبــح في عيني من أول ما تهجيتك=
نسيت أن الـــــرسايل كانت من يدي تسافر ليد =
تكحـل لك مساك وعطـرها يحييـــك ويميتك=
نسيـــت أنك ظفرت بزفرة تستاهل التمجيد =
ولا تلــحق جزاها لو تجمـــع لي تنـاهيتك=
نسيت أني وضعت الشمس في كفك وعفت الغيد =
وحطيت القمر في كفـــك الثـــاني وخــاويتك=
أنا لي ذنبك وللــــذنب عذر وللعذر تمهيد =
ولك خيل الرضا تصهل بصوتي يوم ناديتك=
تمتع بالغلا يا للــــي يسمونك عنود الصيد =
وأنا يا كثـــر ما غــــرتني حـروفي وسميتك=
حبيبي لا سقــى الله عرفي أول قبل أجيب العيد =
سقى الله يوم طشت إلا سقى الله يوم حبيتك=